ԱՇԴՎ Մակարդակ 1 (Գործնական Դասընթաց) || EMDR Level 1 (Basic Training)

28 Apr
Apr , 28 , 2023 admin
Մայիսի 20-22-ը տեղի կունենա ԱՇԴՎ առաջին մակարդակի միջազգային լիցենզավորված դասընթացին (EMDR Level 1):
Դասընթացն իրականացվում է ԱՇԴՎ Հայաստանի հոգեթերապևտների ասոցիացիայի և ԱՇԴՎ Եվրոպական ասոցիացիայի (EMDR Europe Association) համագործակցությամբ։
Դասընթացը կվարի   Եվրոպայում ԱՇԴՎ-ի լիցենզավորված դասընթացավար և սուպերվիզոր Դոլորես Մոսքերան։
Հոգեբան և հոգեթերապևտ Դոլորես Մոսքերան մասնագիտացված է ծանր տրավմատիկ, անձնային և դիսոցիատիվ խանգարումների ոլորտում։ Նա Եվրոպայում ԱՇԴՎ-ի լիցենզավորված թրեյներ և սուպերվիզոր է և Իսպանիայի Կորունա քաղաքում 2000 թվականին հիմնադրված Տրամվայի և անձնային խանգարումների ուսումնասիրության ինստիտուտի ղեկավարը: Նա համագործակցում է ընտանեկան բռնության 2 տարբեր ծրագրերի հետ, որոնք ուղղված են բռնության զոհ դարձած կանանց և բռնարար վարք ցուցաբերող տղամարդկանց աջակցմանը։ Դոլորես Մոսքերան Ահաբեկչության զոհերի աջակցության իսպանական ազգային ցանցի անդամ է, ինչպես նաև համագործակցում է այն կազմակերոպությունների հետ, որոնք օգնություն են ցուցաբերում արտակարգ իրավիճակների, դժբախտ պատահարների, բռնության և առևանգման զոհ դարձած անձանց։ Դոլորես Մոսքերան ունի սեմինարներ և դասախոսություններ վարելու միջազգային մեծ փորձ։ Նա հրատարակել է 15 գիրք և բազմաթիվ հոդվածներ հոգեկան տրավմայի, անձնային և դիսոցիատիվ խանգարումների վերաբերյալ։ 2017թ.-ին ստացել է David Servan-Schreiber-ի մրցանակը՝ ԱՇԴՎ բնագավառում բարձր նվաճումների համար: 2018թ.-ին դարձել է Տրավմայի և դիսոցիացիայի ուսումնասիրության միջազգային կազմակերպության անդամ՝ շնորհիվ ԱՇԴՎR ոլորտում կատարած ներդրումների։
ԱՇԴՎ հանդիսանում է միակ գիտահեն, ապացուցողական ոչ խոսքային թերապևտիկ մեթոդը։
ԱՇԴՎ առաջին մակարդակի դասընթացի մասնակցելու արդյունքում մասնագետները կտիրապետեն`
  • ԱՇԴՎ-ի 8 փուլերին,
  • AIP (Adaptive Information Processing) ադապտիվ ինֆորմացիայի վերամշակման մոտեցմանը հոգեթերապիայում,
  • Լայն ռեսուրսային միջամտության իրականցմանը,
  • Համոզմունքների վրա հիմնված նպատակային պլանին,
  • «Տրավմայի Վերամշակման» կիրառմանը։
Դասընթացի ավարտին կտրամադրվեն մասնակցության վկայականներ ԱՇԴՎ Եպրոպական ասոցիացիայի կողմից
Անցկացման ամսաթվերը՝ 2023թ-ի մայիսի 20-22-ը:
Վայրը՝ Double tree by Hilton:
Լեզուն՝ հայերեն սինքրոն թարգմանությամբ։
Գրանցման հղումը՝ https://forms.gle/hPKE5rXbSeZZswvf9
Դասընթացի արժեքն է՝  50.000 ՀՀ դրամ՝ ներառյալ անդամակցությունը ԱՇԴՎ Հայաստանի հոգեթերապևտների ասոցիացիային:
Երկրորդ անգամ դասընթացին մասնակցող մասնագետների համար դասընթացի արժեքն է 35000 ՀՀ դրամ։
Ուշադրություն․ դասընթացի գումարն անհլրաժեշտ է վճարել նախքան դասընթացի սկիզբը: Մասնակցությունը համարվում է հաստատված վճարումն իրականացնելուց հետո։
Գրացումը բաց է մինչև մայիսի 15-ը։
Հարցերի համար կարող եք գրել emdrarm@gmail.com էլ հասցեին։