Դասընթացավարի մասին

Ռոջեր Սոլոմոնը (Roger Solomon, PhD) հոգեբան, հոգեթերապևտ է, ով մասնագիտացած է տրավմայի և վշտի հետ աշխատանքում: Նա հանդիսանում է Ծրագրի ղեկավար և դասախոս ԱՇԴՎ ինստիտուտում, ԱՇԴՎ Եվրոպայի հավատարմագրված դասընթացավար է: Նա ԱՄՆ Սենատում խորհրդատու է, ով իրականացնում է կլինիկական աշխատանքներ և թրեյնինգներ այնպիսի կազմակերպությունների համար, որոնք ապահովում են առաջնային միջամտություն տրավմատիկ պատահարներից հետո, ներառյալ Հետաքննությունների դաշնային բյուրոն (FBI), Գաղտնի ծառայություները, Օդագնացության և տիեզերական տարածության հետազոտությունների ազգային գործակալությունը (NASA), ԱՄՆ Զինված Ուժերը: Իտալիայում նա խորհրդատվություն է մատուցում Polizia di Stato-ին և Հռոմի Համալսարանում (La Sapienza): Հանդիսանում է հրավիրված դասախոս Հռոմի Սալեսիանա համալսարանում  (Salesiana University in Rome): Ռ.Սոլոմոնը իրականացրել է գիտական աշխատանքներ, որոնք նվիրված են  ԱՇԴՎ կիրառությանը վշտի և սգի դեպքում, կոմպլեքս տրավմայի և դիսոցիատիվ ախտանշանների հաղթահարման համար, կապվածության դժվարությունների հետ կապված միջամտություններում և այլն: Ռ.Սոլոմոնը հանդիսանում է 47 հոդվածների և գրքերի ենթաթեմաների հեղինակ և համահեղինակ: Նա հեղինակել է “Grief and EMDR, from Diagnosis to clinical intervention” գիրքը, որը տպագրվել է 2022թ (Italian, Lutto e EMDR, dallaDiagnosi all’  interventoclinico).

Նա նոր է վերադարձել Ուկրաինայից, որտեղ իրականացնում էր ԱՇԴՎ բազային և մասնագիտացված թրեյնինգներ կոմպլեքս տրավմայի և դիսոցիատիվ ախտանշանների հաղթահարման համար: Ուկրաինայում գտնվելու ժամանակ նա աշխատել է փախստականների, կորուստ ունեցած և բռնության ենթարկված անձանց հետ, ինչպես նաև պատերազմի մասնակիցների հետ, ովքեր ունեցել են ֆիզիկական և հոգեբանական տրավմաներ: